Finaleko pilotariek materiala aukeratu dute.

Frontoi Jostaldik hartu du gaur arratsaldean ostiral honetan 20:00etan bertan jokatuko den “Hondarribiko Grand Slam” finalerako material hautaketa.

Hormaetxea-Bailo gorriz agertu dira, orain arte jokatutako hiru partidak irabazi dituztelako finala kolore horrekin jokatuko baitute.

Bixente-Atain, berriz, urdinez izan dira.

Faborito moduan jotzen dira gorriak, ligaxkan Bixente-Atain gainditu baitzituzten.

Bikote bakoitzak hiru pilota aukeratu behar izan ditu. Guztiak 130 gramo ingurukoak dira, baina horietatik lauk 105 gramoko goma dute, eta beste biek, biziagoak, 107 gramokoa.

Bixente-Atainekoek material apalagoa hautatu dute; gorriek, aldiz, biziagoa. Finala ostiral honetan izango da 20:00etan Jostaldin. Euskal Telebista bertan izan da gaur protagonistak elkarrizketatzen, eta finala ostiral berean 23:30ean eskainiko du, diferituan.